ಕಟ್ಟಿದುದನ್ನು ಮುರಿದು ಮುರಿದುದನ್ನು ಕಟ್ಟುವ ಕವಿತೆಗಳು

ಎಚ್ ಎಸ್ ಶಿವಪ್ರಕಾಶರ ಈ ಹೊಸ ಕವನ ಸಂಕಲನ is a treat for the readers ಎಂದರೆ ಏನನ್ನೂ ಹೇಳಿದಂತಾಗಲಿಲ್ಲ. ಕನ್ನಡದ ಪ್ರಮುಖ ಕವಿಗಳಲ್ಲಿ ಒಬ್ಬರಾಗಿರುವ, ಮಿಲರೇಪ, ಸಿಂಗಿರಾಜ, ಮರುಳ ಶಂಕರ, ಬಸವ, ಅಲ್ಲಮ, ನಾಗಲಿಂಗಯೋಗಿಗಳಂತಹವರ ಅನುಭಾವಕ್ಕೆ ತಮ್ಮ ಮೊದಲ ಕಟ್ಟಿದುದನ್ನು ಮುರಿದು ಮುರಿದುದನ್ನು ಕಟ್ಟುವಳಲ್ಲಿ ದನಿ ನೀಡಿರುವ ಶಿವಪ್ರಕಾಶರೆಂದರೆ ಕಷ್ಟದ ಕವಿ ಎನ್ನುವ ಭಾವನೆ ಸಹೃದಯರಲ್ಲಿದೆ.

ಆದರೆ ಪ್ರಸ್ತುತ ಸಂಕಲನದಲ್ಲಿ ಸದಾಕಾಲ ಪ್ರಯೋಗಗಳಿಗೆ ತುಡಿಯುವ, ಕಟ್ಟಿದುದನ್ನು ಮುರಿದು ಮುರಿದುದನ್ನು ಕಟ್ಟುವ, ಓದುಗರಿಗಾಗಿ ಸಖೇದಾಶ್ಚರ್ಯಗಳನ್ನು ಸ್ಟಾಕಿನಲ್ಲಿಟ್ಟಿರುವ ಅವರ ಕವಿತೆಗಳು `ಸುಲಿದ ಬಾಳೆಹಣ್ಣಿನಂದದಿಇವೆ. ವಿಮಾನ ಸಖಿಯ ನಗೆ, ನಟ್ಟಿರುಳ ಫೋನು, ನನ್ನ ಆತ್ಮೀಯ ಸ್ನೇಹಿತರ ಪುಟ್ಟ ಮಗಳು, ನಲ್ಲೆ ಕಾಯುತ್ತಲೇ ಇದ್ದಾಳೆ ಯಂತಹ ಶೀರ್ಷಿಕೆಗಳು ಇಲ್ಲಿವೆ. ಅವು ನಾವು-ನೀವೆಲ್ಲ ಯೋಚಿಸುವ, ಆದರೆ ಸೂಕ್ಷ್ಮಾಭಿವೃಕ್ತಿಸಲು ಅಸಮರ್ಥರಾದ ವಸ್ತು, ವಿಷಯಗಳನ್ನು ಒಳಗೊಂಡಿವೆ. ಭಾಷಾ ಸರಳತೆಯ ಪರಾಕಾಷ್ಠೆ, ಕವಿಯ ಎಂದಿನ ಹವ್ಯಾಸವಾದ `ಮಾತಿನಾಚೆಯದನ್ನು ಕಾಣಿಸುವಕಾಯಕಕ್ಕೆ ನೆರವಾಗಿದೆ. ಇದಕ್ಕಾಗಿ ಹೊಚ್ಚ ಹೊಸ ರೂಪಕ, ಪ್ರತಿಮೆಗಳನ್ನು ಅವರು ಹುಡುಕಿ ತೆಗೆದಿದ್ದಾರೆ. ತಮ್ಮ ಒಡಪಿನ ಭಾಷೆಗೆ ಇನ್ನೊಂದು ಆಯಾಮ ನೀಡಿದ್ದಾರೆ. ಇಲ್ಲಿನ ಕವಿತಗಳ ಇನ್ನೊಂದು ವಿಶೇಷವೆಂದರೆ, ಬೆನ್ನುಡಿಯಲ್ಲಿ ಜಿ. ರಾಜಶೇಖರ್ ಬರೆದಿರುವ ಹಾಗೆ, ಶಿಶುಪ್ರಾಸ, ಭಾವಗೀತೆ, ವಚನ, ತತ್ವಪದ, ದಾಸರ ಪದ, ಕಥನ ಕಾವ್ಯ, ಬೀದಿ ಮಾತು ಮತ್ತು ಬೈಗುಳ… ಹೀಗೆ ಕನ್ನಡದ ಮಾತಿನ ಕಣಜದಲ್ಲಿ ಇರುವ ಎಲ್ಲವೂ ಇಲ್ಲಿ ಬಳಕೆಯಾಗಿವೆ. (ಮಬ್ಬಿನ ಹಾಗೆ ಕಣಿವಿಯಾಸಿ ಯೇ ಇದಕ್ಕೊಂದು ಉದಾಹರಣೆ).

ಐಸಿಂಗ್ ಆನ್ ದಿ ಕೇಕ್ ತರ ಪುಸ್ತಕದಲ್ಲಿ ಮಿರ್ಜಾ ಗಾಲಿಬ್ ಕವಿತೆಗಳ ಅನುವಾದವೂ ಇವೆ. ಅವು, ಮುನ್ನುಡಿಕಾರ ಸಚ್ಚಿದಾನಂದ ಮೂರ್ತಿ ಮಾತುಗಳಲ್ಲಿ `ಕನ್ನಡಕ್ಕೆ ಬಂದರೆ ಹೇಗಿರಬೇಕೋ ಹಾಗಿವೆ.‘ `ಮುಕ್ತಕಗಳುಹೆಸರಿನ ಪ್ರಯೋಗವೂ ಇದೆ. `ಕೇಳಬೇಡ ಎಷ್ಟು ನೀಳ ವಿರಹದುರಿಯ ಇರುಳು/ ಅದರದೇ ತಾಲೀಮಿನಂತೆ ಗತದ ಪ್ರಳಯಗಳುನಂತಹ ಭಾವೋತ್ಕಟ ಸಾಲುಗಳು ಇರುವಂತೆ ಇವುಗಳಲ್ಲಿ ಲೋಕಜ್ಞಾನ, ವಿವೇಕದ, ನಿ ರ್ಲಿಪ್ತ `ಯಾರು ಯಾರಿಗೂ ಕಾಯಲಾರರು ಕೊನೆತನಕ/ ಯಾವುದಕ್ಕೂ ಯಾರೂ ನೋಯಲಾರರು ಕೊನೆತನಕದಂತಹ ನುಡಿಗಳೂ ಇವೆ. ಗೋಳೀಕರಣ, ಅದರಿಂದ ರೋಗಗ್ರಸ್ತವಾಗುತ್ತಿರುವ ಸಮಾಜದ ಕುರಿತು ಅನುಗಾಲವೂ ಚಿಂತಿಸುವ ಕವಿ. `ಪೆನ್ನು, ಕಾಗದ, ಹೋದರೂ ತೊಲಗಿ/ ಶಿವಪ್ರಕಾಶ ಉಪಮೆಯ ರೋಗಿಎಂದೂ ಅವರಿಲ್ಲಿ ಹೇಳಿಕೊಂಡಿದ್ದಾರೆ. ಇದಪ್ಪಾ ಶಿ.ಪ್ರ ಸಿಗ್ನೇಚರ್.

ಶೀರ್ಷಿಕೆ : ಮಬ್ಬಿನ ಹಾಗೆ ಕಣಿವಿಯಾಸಿ ಲೇಖಕರು : ಎಚ್ ಎಸ್ ಶಿವಪ್ರಕಾಶ್ ಪ್ರಕಾಶಕರು : ಅಭಿನವ, ಪುಟಗಳು :96 ಬೆಲೆ:ರೂ.50/-

ಕೃಪೆ : ವಿಜಯ ಕರ್ನಾಟಕ

Advertisements

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: