ಜ್ಞಾಪಕ ಚಿತ್ರ ಶಾಲೆ

nambikeya-neralu

ಅರ್ಧ ಶತಮಾನಕ್ಕೂ ಹಿಂದಿನ ಕಾಲದ ಉತ್ತರ ಕನ್ನಡದ ಹವ್ಯಕ ಪರಿಸರಕ್ಕೆ ಸಂಬಂಧಿಸಿದ ಕಾದಂಬರಿ `ನಂಬಿಕೆಯ ನೆರಳು‘. ಅಂದಿನ ಜೀವನ ಪದ್ಧತಿ, ಸಂಪ್ರದಾಯದಲ್ಲಿ ಇಂದು ಅನೇಕ ಬದಲಾವಣೆಗಳನ್ನು ಕಾಣಬಹುದಾದರೂ, ಆ ಜನರ ಜೀವನ ಜೀವನಮೌಲ್ಯ, ಶ್ರದ್ಧೆ ಮತ್ತು ನಂಬಿಕೆಗಳು ಇಂದಿಗೂ ಮುಂದುವರೆದಿವೆ. ಡಿ.ವಿ.ಹೆಗಡೆಯವರ ಈ ಕಾದಂಬರಿ ಓದಿದ ನಂತರ ಮನಸ್ಸಿನಲ್ಲಿ ಉಳಿಯುವುದಲ್ಲದೇ ಅನೇಕ ಬಿಂಬಗಳನ್ನು ಮೂಡಿಸುವಲ್ಲಿ ಯಶಸ್ವಿಯಾಗುತ್ತದೆ.

ಕಾದಂಬರಿಯ ಮುಖ್ಯ ಪಾತ್ರ ರಾಮಣ್ಣನ ಮೂಲಕ ಡಿ.ವಿ.ಹೆಗಡೆಯವರು ಇಡೀ ಉತ್ತರ ಕನ್ನಡದ ಪರಿಸರವನ್ನು ಅತ್ಯಂತ ಸರಳವಾಗಿ ಕಟ್ಟಿಕೊಡುತ್ತಾರೆ. ಅದು ವಿಸ್ತೃತವಾದಂತೆ ಅತ್ಯಂತ ಪ್ರಸ್ತುತವೂ ಆಗುವುದು ಅವರ ಲೇಖನಿಯ ಪ್ರಭಾವದಿಂದ.

ಈ ಪುಸ್ತಕವನ್ನು ಓದಿದಾಗ ಒಂದು ಉತ್ತಮ ಚಲನಚಿತ್ರ ನೋಡಿದಂತೆನಿಸಲು ಕಾರಣ ಹೆಗಡೆಯವರ ಚಿತ್ರಕ ಶಕ್ತಿ. ಯಕ್ಷಗಾನದ ಮ್ಯಾಜಿಕ್, ಔಷಧ ಲೋಕದ ಝಲಕ್ ಇಲ್ಲಿದೆ. ಅದೆಲ್ಲವುದನ್ನೂ ಮೀರಿ ಅರ್ಧ ಶತಮಾನವೇ ಇಲ್ಲಿ ಹರಿದಿದೆ ಎನ್ನಬಹುದು. ಡಿ.ವಿ.ಹೆಗಡೆ ಇಂಥ ಸರಳ ಸುಂದರ ಚಿತ್ರಕ ಶಕ್ತಿಯ ಕಾದಂಬರಿ ಕೊಟ್ಟಿರುವುದಕ್ಕೆ ಕನ್ನಡಿಗರು ಋಣಿಯಾಗಿರಬಹುದು.

ಶೀರ್ಷಿಕೆ: ನಂಬಿಗೆಯ ನೆರಳು ಲೇಖಕರು: ಡಿ.ವಿ.ಹೆಗಡೆ ಪ್ರಕಾಶಕರು: ಅಕ್ಷಯ ಪ್ರಕಾಶನ ಪುಟಗಳು: 218 ಬೆಲೆ:ರೂ. 100/-

ಕೃಪೆ : ಕನ್ನಡ ಪ್ರಭ