ಸ್ವಾಮಿ ಅಂಡ್ ಹಿಸ್ `ಫೆಂಡ್ಸ್’!

scan0009

ಕನ್ನಡದಲ್ಲಿ ವ್ಯಂಗ್ಯಚಿತ್ರಗಳ ಸಂಗ್ರಹಗಳು ಕಡಿಮೆ. ಆದರೆ ಈಗ ಹಿರಿಯ ವ್ಯಂಗ್ಯಚಿತ್ರಕಾರ ಕೆ ಆರ್ ಸ್ವಾಮಿಯವರ ಕಾರ್ಟೂನುಗಳು ಪುಸ್ತಕ ರೂಪದಲ್ಲಿ ಪ್ರಕಟಗೊಳ್ಳುತ್ತಿವೆ. ಒಂದಲ್ಲ, ಎರಡು ಪುಸ್ತಕಗಳು. ಮೊದಲ ಪುಸ್ತಕದ ಹೆಸರು `ಬ್ರಹ್ಮಗಂಟು-ನಗೆ ನೂರೆಂಟು‘. ಇಲ್ಲಿನ ವ್ಯಂಗ್ಯಚಿತ್ರಗಳೆಲ್ಲಾ ವೈವಾಹಿಕ ಬದುಕಿನತ್ತ ಬೀರಿದ ನಗೆನೋಟಗಳು. ಹೆಚ್ಚಿನವು ಮದುವೆ ಮಂಟಪದಲ್ಲೇ ನಡೆಯುವ ಮೋಜಿನ ಪ್ರಸಂಗಗಳು. ಉಬ್ಬು ಹಲ್ಲು, ಕಪ್ಪು ಹುಡುಗಿ, ವರದಕ್ಷಿಣೆಯಂಥ ಹಳೆಯ ಸಂಗತಿಗಳಿಂದ ಹಿಡಿದು ವೆಬ್ ಕ್ಯಾಮರಾ ಮುಂದೆ ಕುಳಿತು ನಡೆಸುವ ಮದುವೆಗಳವರೆಗೂ ಇಲ್ಲಿನ ಕಾರ್ಟೂನುಗಳ ವ್ಯಾಪ್ತಿ ಇದೆ. ಸ್ವಾಮಿ ಇವನ್ನು ಹಲವು ವರ್ಷಗಳ ಅವಧಿಯಲ್ಲಿ ಬರೆದದ್ದು ಎಂಬುದನ್ನೂ ನಾವು ನೆನಪಿಡಬೇಕು. ಓದುತ್ತಿದ್ದರೆ ನಗು ಸಹಜವಾಗಿ ಉಕ್ಕುತ್ತದೆ. ಸಿಲ್ಲಿ ಎನ್ನುವ ಕಾರ್ಟೂನುಗಳು ಇಲ್ಲಿಲ್ಲವೇ ಇಲ್ಲ ಎನ್ನಬಹುದು. ಒಮ್ಮೆಗೇ ಹತ್ತಾರು ಹಳೆಯ ಯುಗಾದಿ, ದೀಪಾವಳಿ ವಿಶೇಷಾಂಕಗಳನ್ನು ಹರಡಿಕೊಂಡು ಕೂತ ಅನುಭವವಾಗುತ್ತದೆ.

ಎರಡನೇ ಪುಸ್ತಕದಲ್ಲಿರುವ ಕಾರ್ಟೂನುಗಳಿಗೆ ಅಡಿಬರಹಗಳಿಲ್ಲ. ಹಾಗಾಗಿ `ಲಾಫ್ಟರ್ ಡೋಸ್ಎಂಬ ಹೆಸರಿನ ಈ ಇಂಗ್ಲೀಷ್ ಪುಸ್ತಕಕ್ಕೆ ಭಾಷೆಯ ಹಂಗಿಲ್ಲ. `ಶಂಕರ್ಸ್ ವೀಕ್ಲಿ‘, `ಎನ್ಲೈಟ್ನಂತಹ ಇಂಗ್ಲೀಷ್ ನಿಯತಕಾಲಿಕಗಳಲ್ಲಿ ಪ್ರಕಟವಾದ ಚಿತ್ರಗಳೂ ಈ ಸಂಗ್ರಹದಲ್ಲಿವೆ. ಮಾತಿಲ್ಲದೆ ಸುಮ್ಮನೆ ನೋಡಿದ್ದಕ್ಕೇ ನಗಿಸುವ ಈ ಚಿತ್ರಗಳು ಕೊಡುವ ಮಜಾನೇ ಬೇರೆ.

ಈ ಎರಡೂ ವಿಭಿನ್ನ ಆಕಾರದ, ಆಕರ್ಷಕ ಪುಸ್ತಕಗಳನ್ನು ಈ ಬುಧವಾರ (ಮಾಚ್ 11) ಬೆಳಿಗ್ಗೆ 10 ಗಂಟೆಗೆ ಎಂಜಿ ರೋಡ್ ಹತ್ತಿರದ ಇಂಡಿಯನ್ ಕಾರ್ಟೂನ್ ಗ್ಯಾಲರಿಯಲ್ಲಿ ಗಿರೀಶ್ ಕಾಸರವಳ್ಳಿ ಬಿಡುಗಡೆ ಮಾಡಲಿದ್ದಾರೆ. ಅಂದಿನಿಂದ ಈ ತಿಂಗಳ 26ನೇ ತಾರೀಖಿನವರೆಗೆ ಸ್ವಾಮಿಯವರ ವ್ಯಂಗ್ಯಚಿತ್ರಗಳ ಪ್ರದರ್ಶನವೂ ಏರ್ಪಾಟಾಗಿದೆ. ಅಲ್ಲಿ ಹೋದರೆ ಕಾರ್ಟೂನುಗಳ ಲೋಕದಲ್ಲಿ ಒಂದಷ್ಟು ಹೊತ್ತು ಕಳೆದುಹೋಗಬಹುದು. ಅದು ಸಾಧ್ಯವಾಗದಿದ್ದರೂ ಪುಸ್ತಕಗಳನ್ನು ನೋಡಿ ನಗಲು ಮರೆಯದಿರಿ

ಕೃಪೆ – ವಿಜಯ ಕರ್ನಾಟಕ

2 Responses

  1. Kindly inform price of the two collections of cartoons by Sri.K.R.Swamy.

  2. ಈ ಪುಸ್ತಕಗಳು ಎಲ್ಲಿ ಸಿಗುತ್ತವೆ? ದಯವಿಟ್ಟು ತಿಳಿಸಿ. ಅವರು ನನ್ನ ಮೆಚ್ಚಿನ ವ್ಯಂಗ್ಯಚಿತ್ರಕಾರರು

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s

%d bloggers like this: